काठमाडौं । निरन्तर घाटा बेहोरिरहेको एशियन हाईड्रोपावरको सातौँ वारिषक साधारण सभा संचालनमा ढिलाई देखिएको छ ।
इलाम जिल्लामा संचालित ६.२ मे.वा क्षमताको तल्लो जोगमाई खोला जलविद्युत आयोजना अन्तर्गतको यस हाईड्रोले छैटौं साधारण सभा २०८१ पौषमा सम्पन्न गरे पनि सातौंँ सभा अनिश्चित देखिएको हो ।
२०७८ कार्तिक १५ गतेदेखि व्यापारिक उत्पादन आरम्भ गरिको आयोजनाले विद्युत उत्पादनको ४ वर्ष पुरा गरेको छ ।
३४ करोड मूल शेयर पूँजी कायम गरेको कम्पनीले रु १०० का दरले ११ लाख ८० हजार कित्ता शेयर सर्वसाधारणका लागि जारी गरेको छ ।
प्रशासनिक तथा उत्पादन लागत बढेकाले आम्दानी घटेको २०८२/८३ को दोस्रो त्रैमासिक प्रतिवेदनमा जनाइएको छ । यद्यपि तेस्रो त्रैमासिक प्रतिवेदन सार्वजनिक हुन बाँकी नै छ ।
हालको अपरिक्षित लेखा विवरणका अनुसार इपिएस अर्थात प्रति शेयर मूल्य आम्दानी माइनस ८.५ र पिई रेसियो माईनस ६३.७ रहेको छ । ०८२ फागुनबाट लकइन पिरियड समेत समाप्त भएको छ ।
