काठमाडौँ । भुटानको ऐतिहासिक सहर पुनाखालाई केन्द्रबिन्दु बनाएर आइतबार राति शक्तिशाली भूकम्प गएको छ।
राष्ट्रिय भूकम्प मापन तथा अनुसन्धान केन्द्रका अनुसार नेपाली समय अनुसार राति ११:२१ बजे ५.३ म्याग्निच्युडको भूकम्प गएको हो। भूकम्पको केन्द्रबिन्दु पुनाखा सहरबाट करिब ५ किलोमिटरको दूरीमा रहेको प्रारम्भिक अनुमान गरिएको छ।
यस भूकम्पको धक्का भुटानमा मात्र सीमित नरहेर आसपासका छिमेकी मुलुकहरूमा समेत महसुस गरिएको थियो। भुटानसहित नेपाल, भारत, बंगलादेश र चीनको केही भूभागमा यसको प्रभाव परेको समाचारमा जनाइएको छ।
नेपालको सन्दर्भमा भने पूर्वी क्षेत्रका भूभागहरूमा भूकम्पको धक्का स्पष्ट रूपमा महसुस गरिएको राष्ट्रिय भूकम्प मापन तथा अनुसन्धान केन्द्रले पुष्टि गरेको छ।
