काठमाडौं । काठमाडौं महानगरपालिका वडा नं ६ को सहयोगमा बौद्धक्षेत्रमा विविध खेलकुद संचालन हुने भएका छन् ।
क्षेत्रका क्लवहरुसँगको सहकार्यमा फुटसल, बास्केटबल र व्याडमिन्टन प्रतियोगिता संचालन हुने भएका हुन् । फुटसल र बास्केटबल विद्यालयस्तरीय हुनेछन् भने व्याडमिन्टन वडास्तरीय रुपमा संचालन हुनेछन् ।
५ ए साइड फुटसल प्रतियोगिता बौद्ध फुटबल क्लवले सहजीकरण गर्ने छ भने बास्केटबल प्रतियोगिता बौद्ध स्तुपा क्लवले संचालन गर्नेछ । फुटसल र बास्केटबलमा करिव २५ वटा भन्दा बढी विद्यालयहरु सहभागी हुनेछन् ।
त्यस्तै, वडास्तरीय व्याडमिन्टन प्रतियोगिता टुसाल युवा क्लवले संचालन गर्ने छ । बास्केटबल जेठ २६ गतेबाट संचालन हुनेछ ।
