मंसिर २४, काठमाडौं ।
पछिल्लो २४ घण्टामा नेपालमा १०५६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज ६२८६ जनामा गरिएको परीक्षणमा १०५६ जनामा संक्रमण पुष्टि भएको हो ।
योसँग नेपालमा कोरोना भाइरस संक्रमितको कुल संख्या २ लाख ४४ हजार ४३३ पुगेको छ ।
त्यसै गरी पछिल्लो २४ घण्टामा १४८३ जना कोरोना भाइरसबाट निको भएका छन् । हालसम्म संक्रमणमुक्त हुनेको संख्या २ लाख ३० हजार ५३७ पुगेको छ । हाल सक्रिय संक्रमितको संख्या १२२४५ रहेको छ ।
राजधानी उपत्यकामा ५०७ जना संक्रमित भेटिएका छन् । जसमा काठमाडौंमा ३९३, भक्तपुरमा ३९ र ललितपुरमा ७५ जना छन् ।
