मंसिर २५, काठमाडौं ।
पछिल्लो २४ घण्टामा नेपालमा १ हजार २१७ जनामा कोरोना भाइरस संक्रमण पुष्टि भएको छ ।
स्वास्थ्यतथा जनसंख्या मन्त्रालयका अनुसार ७ हजार २३२ जनाको पीसीआर परीक्षण गरिएकोमा ७७४ पुरुष र ४४३ महिला गरी १ हजार २१७ जनामा संक्रमण पुष्टि भएको हो ।
यो सँगै नेपालमा कोरोना संक्रमितको कुल संख्या २ लाख ४५ हजार ६५० पुगेको मन्त्रालयले जनाएको छ ।
पछिल्लो २४ घण्टामा कोरोना भाइरस संक्रमणमुक्त हुनेको संख्या १ हजार ६४ रहेको छ भने हालसम्म निको हुनेको संख्या २ लाख ३१ हजार ६०१ पुगेको छ ।
