काठमाडौं । पछिल्लो २४ घण्टामा थप ९,०७० जनामा कोरोना भाइरस संक्रमण पुष्टि भएको छ भने ५४ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार २० हजार ३६७ जनाको पीसीआर र ७७५ एन्टिजेन परीक्षणमा गरी ९,०७० जनामा संक्रमण पुष्टि भएको हो ।
सोहि समयमा कोरोनाबाट ५४ जनाको मृत्यु भएको छ ।
योसँगै हालसम्म सक्रिय संक्रमितको संख्या ७२ हजार ५६१ पुगेको छ भने मृतकको संख्या ३ हजार ५२९ पुगेको छ ।
आज २ हजार ७०७ जना निको भएका छन् ।
