झापा । कन्काई माध्यमिक विद्यालय सुरुंगामा अध्ययन गरेका २०५१ सालको एसएलसी व्याचका विद्यार्थीहरुले 'व्याची समूह' गठन गरेका छन् ।
शनिवार भर्चुअल विधिबाट आयोजना गरिएको भेलाले भुमि खरेलको नेतृत्वमा व्याची समूह गठन गर्ने निर्णय गरेको हो ।
त्यसैगरि उपाध्यक्षमा केशव ढकाल, सचिव गणेश संग्रौला, सहसचिव सुमित्रा चौँलागाईँ, कोषाध्यक्ष नेत्र प्रसाद भट्टराई रहेका छन् भने सदस्यहरुमा केशव भट्टराई, पार्वती सिलवाल, तुमला ढुंगाना र सावित्रा कडरिया रहेका छन् ।
विद्यालय तहमा निकै बेजोड मानिएको समूह उच्च अध्ययन सँगै तितरबितर भएको थियो । अध्ययन गर्दाका समयका प्रधानाध्यापक चन्द्रप्रसाद मैनालीको कडा निगरानी र अनुशासनका कारण आफुहरु सफल भएका सहभागीको भनाई थियो ।
गएको मंसिरबाट एक अर्कासँग जोडिदै संगठित बनेका उनीहरुले कमिटीकै रुपमा समूहलाई अगाडी बढाएका हुन् । कमिटी बनेसँगै सामाजिक सेवामा सहभागी हुने भन्दै महामारीमा सहयोगी बन्ने उद्धेश्यले पदाधिकारी सबैले जनही रु १०००/-(एक हजार) स्वास्थ्य सामग्री किन्नका लागि सहयोगको घोषणा गरेका छन् ।
त्यसै गरि आफ्नो व्याचका १४६ जनै साथीहरुलाई अभियानमा सरिकहुन आव्हान गर्ने समूहका अध्यक्ष भुमि खरेलले जनाएका छन् ।
यस व्याचका प्रथम विद्यार्थी शुसिल सिटौला अमेरिकामा रहेर चिकित्साक्षेत्रमा सेवा पुर्याईरहेका छन् ।
