काठमाडौं । नेपाल कम्युनिष्ट पार्टी एकीकृत निर्वाचन आयोगमा दर्ता भएको छ ।
नेकपा एमाले वरिष्ठ नेता माधव कुमार नेपाल पक्षीय युवा नेता जीवन राईको नेतृत्वमा आज "नेकपा (एकीकृत)" निर्वाचन आयोगमा दर्ता भएको हो । नयाँ पार्टी दर्ताका लागि नेता राईले वैशाख ६ गते निर्वाचन आयोगमा निवेदन दिएका थिए ।
त्यसै गरि पार्टीको उपाध्यक्षमा कल्पना गुरुङ, महासचिवमा विनोद खुलाल, सचिवमा ऐनविक्रम कुँवर र कोषाध्यक्षमा सुशील खनाल रहेका छन् ।
नयाँ पार्टीको केन्द्रीय कमिटिमा ३३ प्रतिशत महिला सहभागीता अनिवार्य गरिएको छ भने १० प्रतिशत युवा र २० प्रतिशत सहभागीता विज्ञहरुको रहनेछ ।
पार्टीले आयोगबाट “कलम” चुनाव चिह्न पाएको छ ।
