काठमाडौं । नेकपा माओवादी केन्द्रले प्रधानमन्त्री शेरबहादुर देउवाको सरकारलाई विश्वासको मत दिने निर्णय गरेको छ ।
माओवादी केन्द्रको सिंहदरबारमा आज बसेको संसदीय दलको बैठकले प्रधानमन्त्रीलाई विश्वासको मत दिने निर्णय गरेको हो ।
असार २८ गतेको सर्वोच्च अदालतको फैसला बमोजिम आज अपरान्ह ४ बजे प्रतिनिधि सभाको बैठक बस्दैछ । आजै बस्ने दोस्रो बैठकमा प्रधानमन्त्री शेरवहादुर देउवाले विश्वासको मत लिंदैछन् ।
