काठमाडौं । नेकपा एमाले काठमाडौँ क्षेत्र नं १ ले पार्टी नविकरण कार्यलाई तिब्रता दिएको छ ।
असार मसान्त सम्ममा पार्टी नविकरण गरिसक्न केन्द्रीय निर्देशन भएपनि पार्टीमा देखिएको समस्याका कारण केही ढिलाई भएको हो ।
पार्टीले नविकरण फर्म अनिवार्य रुपमा भरेर पठाउनु भनेकाले थप केही समय लागेको हो क्षेत्रीय इन्चार्ज समेत रहेका काठमाडौं जिल्ला कमिटि सचिवालय सदस्य एवं प्रदेश सांसद गणेश दुलालले बताए ।
भोलिसम्म क्षेत्रमा रहेका संगठित सदस्यको नविकरण फर्म भरेर जिल्ला कमिटीलाई हस्तान्तरण गर्ने नेता दुलालले बताएका छन् ।
क्षेत्रमा रहेका ९० प्रतिशत भन्दा बढी सदस्यले फर्म भरिसकेका र केही बाँकी रहेका संगठित सदस्यको समेत नविकरण फर्म प्राप्त हुनेक्रममा रहेको नेता दुलालको भनाई छ ।
काठमाडौं महानगरका चारवटा वडाहरु वडा नं. १०, ११, २९ र ३१ रहेको यस क्षेत्रमा नेकपा एमालेका १९५५ संगठित सदस्य रहेका छन् ।
