काठमाडौँ । नेकपा एमाले स्थायी कमिटी बैठक आज बस्दै छ।
बैठक मङ्गलवार बिहान ११ बजे ललितपुरको च्यासलस्थित तुलसीलाल स्मृति प्रतिष्ठानमा बस्न लागेको हो। हिजो दिउँसो ३ बजेका लागि बोलाइएको बैठक आजका लागि सारिएको थियो।
बैठकमा पार्टीको १० औँ राष्ट्रिय महाधिवेशनको तयारी र महाधिवेशन प्रतिनिधि मनोनीतबारे छलफल हुने बताइएको छ ।
एमालेको दसौँ राष्ट्रिय महाधिवेशन मङ्सिर १० गतेदेखि १२ गतेसम्म चितवनमा हुँदै छ।
