काठमाडौं । नेकपा (एमाले) पार्टीमा कानुन क्षेत्रका हस्ती मानिएका अग्नी खरेल पार्टी स्थायी कमिटी सदस्यमा चयन भएका छन् ।
मंसिर २५-२६ गते दुई दिन भक्तपुरमा चलेको दोस्रो केन्द्रीय कमिटी बैठकले खरेललगाएतलाई स्थायी कमिटीमा चयन गरेको हो ।
सरल स्वभाव र तथ्यपूर्ण कुरामा विश्वास गर्ने उनको बानीले गर्दा कार्यकर्ता पंक्तिमा उनको लोकप्रियता चुलिँदै गएको बताइएको छ ।
लामो समय सम्म पार्टीको निर्वाचन आयोगमा रहेर काम गरेका खरेल ९ औं महाधिवेशनमा केन्द्रीय सदस्यमा निर्वाचित भएका थिए । त्यस यता संगठनमा समेत पकड जमाउँदै अगाडी बढेका खरेल पार्टीका प्रभावशाली नेताका रुपमा दर्ज हुन पुगेका छन् ।
पार्टी अध्यक्ष एवं तत्कालिन प्रधानमन्त्री केपी शर्मा ओलीले संसद विघटन गर्दा फरक धारणा राखेकै कारण उनलाई महान्यायाधिवक्ताबाटै हटाइएको समेत राजनीतिक बृत्तमा चर्चा छ ।
