काठमाडौँ । नेपाली काँग्रेसको १४औँ महाधिवेशनमा सभापति पदका लागि भएको निर्वाचनको मतगणना चलिरहेको छ ।
राष्ट्रियसभा गृहमा चलिरहेको मतगणनामा हालसम्म कुल खसेको मतको आधा गणना भइसकेको छ । सुरुदेखि नै अग्रता लिइरहेका शेरबहादुर देउवाले अहिलेसम्म देउवाले १५०६ मत प्राप्त गर्दा शेखर कोइरालाले भने ११७८ मत प्राप्त गरेका छन् ।
प्रकाशमान सिंह २५४, विमलेन्द्र निधिले १७३ र कल्याण गुरुङले १५ मत प्राप्त गरेका छन् ।
काँग्रेसको विधानअनुसार सभापतिमा निर्वाचित हुन खसेको मतको ५१ प्रतिशत चाहिन्छ । आइतबार भएको मतदानमा ४ हजार ६७९ महाधिवेशन प्रतिनिधिले मत दिएका थिए । अब कुनै पनि उम्मेदवारलाई विजयी हुन २३४० मत चाहिन्छ ।
कुनै पनि उम्मेदवारले बहुमत नल्याए धेरै मत ल्याउने दुई उम्मेदवारबिच पुनः प्रतिस्पर्धा हुनेछ ।
