काठमाडौँ । नेपाली काँग्रेसका नेता प्रकाशमान सिंहले सभापति पदको दोस्रो चरणको निर्वाचनमा शेरबहादुर देउवालाई समर्थन गर्ने बताएका छन् ।
देउवासँगको भेटपछि नेता प्रकाशमानले देउवालाई नै समर्थन गर्ने जानकारी दिएका हुन् ।
राजनीतिका चतुर खेलाडी देउवाले मत गणना अन्तिम चरणमा पुगिरहँदा आफना निकटतम सहयोगी गृहमन्त्री बालकृष्ण खाँडलाई सिंह निवास पठाएका थिए ।
खाँडले नेता सिंहलाई भेटेर फर्किए लगत्तै अध्यक्षका अर्का प्रत्यासी शेखर कोईराला पुगेपनि सो भन्दा अगावै सिंहले देउवा भटेर अन्तिम निर्णयमा पुग्ने गृहकार्य सकिसकेको अनुमान गरिएको छ ।
दोस्रो चरणको निर्वाचनमा देउवा र कोइरालाबीच सभापतिमा प्रतिस्पर्धा हुने भएको छ ।
