काठमाडौं । पछिल्लो २४ घण्टामा देशभर थप २९ जनामा कोरोना भाइरसको संक्रमण पुष्टि भएको छ।
स्वास्थ्य मन्त्रालयका अनुसार पछिल्लो २४ घण्टामा कोरोनाबाट कसैको पनि मृत्यु भएको छैन भने हालसम्म कोरोनाबाट ११ हजार ९५२ जनाले ज्यान गुमाएका छन्।
पछिल्लो २४ घण्टामा १७ जना कोरोना संक्रमणमुक्त हुनुका साथै हाल देशभर १९२ जना सक्रिय संक्रमित रहेका छन्।
यसैगरी पछिल्लो २४ घण्टामा १ हजार ७७ जनाको पीसीआर परीक्षण तथा ६५३ जनाको एन्टिजेन परीक्षण भएको मन्त्रालयले जनाएको छ।
