काठमाडौं । ओमिक्रोन भेरियन्टको नयाँ उपप्रजाति ओमिक्रोन बीए ५ नेपालमा पनि देखिएको छ ।
धुलिखेल अस्पतालले गरेको जिन सिक्वेन्सिङ परीक्षणमा सो सङ्क्रमण देखिन आएको इपिडिमियोलोजी तथा रोग नियन्त्रण महाशाखाले जनाएको छ ।
भारत र अमेरिकामा पछिल्लो समय सङ्क्रमण ओमिक्रोनकै उपप्रजाति बीए ४ र बीए ५ ले बढाएको पुष्टि भइसकेको छ ।
नेपालमा अहिले बीए ५ कै कारण सङ्क्रमण गराइरहेको भए कोरोना फेरि समुदायस्तरमा बढ्न सक्ने सङ्क्रामक रोग विशेषज्ञ डा. जनक कोइरालाले बताए ।
बीए ५ अहिलेसम्म देखिएका ओमिक्रोनका उपप्रजातिहरूमध्ये झन्डै चार गुणा सङ्क्रामक भएको विश्व स्वास्थ्य सङ्गठनले जनाएको छ ।
