काठमाडौँ ।पछिल्लो २४ घण्टामा देशभरि ७ सय ६० जनामा कोरोना संक्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ५ हजार ९ सय २६ नमुनाको परीक्षणमा ७ सय ६० जनामा संक्रमण पुष्टि भएको हो ।
सङ्क्रमणबाट आज १ जनाको मृत्यु भएको छ भने कोरोना सङ्क्रमणलाई जितेर ३ सय २४ जना घर फर्किएका छन् ।
कोरोना सङ्क्रमणको सङ्ख्या दैनिक बढेसँगै सक्रिय सङ्क्रमितको सङ्ख्या पनि बढेका छन् । देशैभरि ५ हजार ६ सय २ सङ्क्रमितले आइसोलेसनमा रहेर उपचार गरिरहेका छन् ।
