काठमाडौँ । पछिल्लो २४ घण्टामा ५५३ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ३ हजार ७८९ जनाको परीक्षणमा ५५३ जनामा संक्रमण पुष्टि भएको हो । जसमध्ये २ हजार ४० जनाको पीसीआर परीक्षण गर्दा ४५१ जना र १ हजार ७४९ जनाको एन्टिजेन परीक्षण गर्दा १०२ जना गरी ५५३ जनामा संक्रमण पुष्टि भएको छ ।
त्यसैगरी पछिल्लो २४ घण्टामा कोरोना संक्रमणबाट कसैको पनि मृत्यु नभएको मन्त्रालयले जनाएको छ ।
योसँगै पछिल्लो २४ घण्टामा कोरोना भाइरसको सक्रिय संक्रमितको संख्या ५ हजार ६५९ पुगेको छ भने पछिल्लो २४ घण्टामा ४३३ जना संक्रमणमुक्त भएका छन् ।
