काठमाडौं । काठमाडौंको चावहिलमा रहेको सेन्ट लरेन्स कलेजकी अञ्जली थापाले ‘मिस प्लस टु’ को उपाधी जितेकी छन् ।
काठमाडौैंमा भएको प्रतियोगितामा उनले सो उपाधी हात पारेकी हुन् । उनी सेन्ट लरेन्स कलेजमा कक्षा १२ मा व्यवस्थापन संकायमा अध्ययनरत छिन् । कलेजकी तिक्ष्ण एवं हंशमुखी विद्यार्थी थापा टाईटलकी योग्य प्रतियोगी रहेकी कलेजका अध्यक्ष केशव दंगालले बताएका छन् ।
प्रतियोगिता शुरु हुँदा जानकारी दिएर प्रतिस्पर्धामा होमिएकी थापाले पोजिशन अगाडी बढाउँदै टप ९ मा आए पछि प्रतिस्पर्धा थप पेचिलो बनेको दंगालले स्मरण गरे ।
इच्छा, मिहिनेत र उत्साहले ओतप्रोत अञ्जलीले मोडलिंग, लिडरसिपका साथै पिएचडी सम्मको अध्ययन पूरा गर्न अध्यक्ष दंगालले सुझाएका छन् ।
अञ्जलीले चाहेको खण्डमा अध्ययनका लागि स्नातकोत्तर तह सम्मै सेन्टलरेन्समा पूर्ण छात्रबृत्ति प्रदान गरिने पनि दंगालले घोषणा गरेका छन् ।
