काठमाडौं । राजधानी उपत्यका फोहोरका कारण कुरुप र रोगव्याधिको अखडा बन्दै गएपछि राष्ट्रिय युवासंघले फोहोर उठाएको छ ।
सत्तासिन निकायहरु पूर्णत निकम्मा बन्दै गएपछि संघले हस्तक्षेप गरेको हो । तिनै तहका सरकार पूर्णत असफल बन्दै गएपछि नेकपा एमालेको भातृ संगठन राष्ट्रिय युवा संघ नेपालले पाँच दिन अघि फोहोर उठाउन शुरु गरेको हो ।
आज पाँचौँ दिन काठमाडौंको शान्तिनगर तिनकुनेमा थुपारिएको फोहोर युवा संघले उठाएपछि पूर्व सचिव तथा चर्चित सामाजिक संजाल प्रयोगकर्ता भिम उपाध्यायले तारिफ गरेका छन् ।
उपाध्यायले तारिफ गर्दै भनेका छन्, "धन्यवाद युवाहरु ! सँधै सिर्जनात्मकतामा लागिरहनुहोला साथीहरु ।"
उपाध्याय तिनै व्यक्ति हुन्, जसले सामाजिक संजालमा केही सेकेण्डमै हजारौंको प्रतिक्रिया पाउँछन् ।
यद्यपि उपाध्यायले नागरिकताका विषयमा सरकार विदेशीका अगाडी घुँडाटेकेको भन्नलाई खुट्टा कमाएको भनेर कडा टिप्पणी भईरहेको उनका पोष्टमा आएका कमेन्टबाट देख्न सकिन्छ ।
