काठमाडौँ । पछिल्लो २४ घण्टामा थप ६३४ जनामा कोरोना भाइरस संक्रमण पुष्टि भएको छ भने एक जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार ४ हजार ९४९ जनाको परीक्षणमा ६३४ जनामा संक्रमण पुष्टि भएको हो ।
जसमा २ हजार ७५७ जनाको पीसीआर परीक्षणमा ३४३ जना र २ हजार १९२ जनाको एन्टिजेन परीक्षणमा २९१ जनामा संक्रमण देखिएको मन्त्रालयले जनाएको छ ।
यससँगै पछिल्लो २४ घण्टामा कोरोना भाइरसको सक्रिय संक्रमितको संख्या ४ हजार २२१ पुगेको छ भने ४१७ जना संक्रमणमुक्त भएका छन् ।
