काठमाडौं । नेकपा एमाले उपत्यका विशेष प्रदेश कमिटीको प्रथम अधिवेशन आजदेखि हुँदैछ ।
आज असोज १९ गतेबाट शुरुवात हुने अधिवेशनको उदघाटन पार्टी अध्यक्ष केपी शर्मा ओलीले मध्यान्ह बार्ह बजे राष्ट्रिय सभा गृहमा गर्ने कार्यक्रम तय भएको छ ।
गैर भूगोलका विशेष क्षेत्र पेशाकर्मी, उद्योग व्यवसायी, युवा विद्यार्थी र मजदूर क्षेत्रको छाता संगठनका रूपमा रहेको उपत्यका विशेष प्रदेश कमिटीको अधिवेशन भोलि २० गते सम्म संचालन हुने एमालेले जनाएको छ ।
भोलि राजनीतिक तथा आर्थिक प्रतिवेदन पारित भएसँगै निर्वाचन प्रक्रिया अगाडी बढ्ने छ । अधिवेशनले ८५ सदस्यीय विशेष प्रदेश कमिटी निर्माण गर्ने छ । हाल प्रदेशको अध्यक्षमा प्रेम कुमार पराजुली रहेका छन् ।
देशका ७ वटै प्रदेशमा निर्वाचन मार्फत समिति निर्माण भईरहँदा त्यसको असर विशेष प्रदेशमा पनि पर्न सक्ने अनुमान गरिएको छ ।
