फागुन ८, काठमाडौँ ।
राष्ट्रपति विद्यादेवी भण्डारीसमक्ष नेपालको संविधानको धारा १६७ बमोजिम प्रदेश नं २ का नवनियुक्त प्रदेश प्रमुख राजेश झाले हिजो नै आफ्नो पद तथा गोपनीयताको शपथ ग्रहण गर्नुभएको छ ।
सो कुरा राष्ट्रपतिको कार्यालयका प्रवक्ता जगन्नाथ पन्तले विज्ञप्तिमार्फत जनाएका छन् ।
मन्त्रिपरिषद्को सिफारिशमा राष्ट्रपतिले हिजै तिलक परियारलाई पदमुक्त गरी झालाई प्रदेश प्रमुखमा नियुक्त गर्नुभएको हो ।
