काठमाडौं । कोरोना भाइरसको संक्रमणका कारण समाजसेवी रंगनाथ भट्टराईको निधन भएको छ ।
ताप्लेजुंग सरोकार केन्द्रका उपाध्यक्ष समेत रहेका उनको आज बिहान ६ः३० बजे प्रहरी अस्पताल, पानीपोखरीमा निधन भएको हो ।
उनमा चार दिन अघि कडा निमोनिया देखिएको थियो । आईसियु चाहिने बिरामीलाई तत्कालै आइसियु उपलव्ध हुन नसकेका कारण उनले अकालमै जिवन गुमाउनु परेको हो ।
"राज्यमा स्वास्थ्य सेवा कति कमजोर रहेछ भन्ने चरितार्थ उनको निधनले बताएको छ", उनका सहकर्मीहरुले आक्रोशका साथ भनेका छन् ।
उनका परिवारमा ८७ वर्षीय आमा, श्रीमती, ३ छोरी र १ छोरा रहेका छन् ।
