धनगढी । कोरोना भाइरसको संक्रमणबाट सुदूरपश्चिमका पूर्व प्रदेश प्रमुख मोहनराज मल्लको निधन भएको छ । उनको काठमाडौँस्थित निदान अस्पतालमा उपचारका क्रममा निधन भएको परिवारस्रोतले जनायो ।
उनलाई एक हप्ता पहिले कोरोना संक्रमण देखिएको थियो, समस्या बढ्दै गए पछि अस्पताल भर्ना गरिएको तर कडा निमोनिया र मुटुसम्बन्धी समस्याले ग्रसित मल्लको हिजो राति ११ बजे निधन भएको हो ।
उनले २०७४ सालदेखि २०७६ कार्तिक सम्म सुदूरपश्चिम प्रदेश प्रमुखको रुपमा कार्यभार सम्हालेका थिए ।
