काठमाडौं । कोरोना भाईरसको संक्रमणका कारण उच्च अदालत पाटन बारका सदस्य भाईराजा राईको निधन भएको छ ।
उनको सोमवार काठमाडौं स्थित शसस्त्र प्रहरी अस्पतालमा उपचारका क्रममा निधन भएको हो । उनमा १५ दिन अगाडी कोरोना संक्रमण देखिएको थियो ।
होम आईसोलेसनमा बस्दा स्वास्थ्य अवस्थामा सुधार नभए पछि अस्पताल भर्ना भएका अधिवक्ता राईमा कडा निमोनिया देखिएको थियो । तत्पश्चात आईसियु र भेन्टिलेटरमा उपचार प्रक्रिया अगाडि बढाईए पनि उपचार हुन सकेन, परिवार स्रोतले बतायो ।
झापा जुरोपानी (गौरादह-८) स्थायी घर भएका राई हाल काठमाडौंको धुम्बाराहीमा बस्दै आएका थिए ।
उनी परिवारमा माहिलो सन्तानका रुपमा रहेका थिए । उनका जेठो दाजुको समेत गएको राती कोरोना संक्रमणकै कारण भारतमा निधन भएको थियो ।
४६ वर्षीय भाईराजाको परिवारमा ८६ वर्षीय आमा, श्रीमती, १४ र ४ वर्षका २ छोरी छन् ।
