काठमाडौं । कोरोना भाइरसको संक्रमणका कारण अर्थशास्त्री तथा एमाले नेता डा.गोबिन्द बहादुर थापाको निधन भएको छ ।
नेकपा एमाले अर्थ, योजना तथा अनुसन्धान विभाग सचिव समेत रहेका डा.थापाको मंगलवार (आज) बिहान ५ः३० बजे गंगालाल अस्पताल बाँसबारीमा उपचारका क्रममा निधन भएको हो ।
डा.थापा दम्पतिमा नै तिन हप्ता अगाडि कोरोना पुष्टि भएको थियो । केहि दिनको होम आइसोलेसन पश्चात थापा सिटी अस्पताल महाराजगन्जमा भर्ना भएका थिए ।
स्वास्थ्य अवस्था बिग्रँदै गएपछि उनलाई गंगालाल अस्पतालमा भर्ना गरेर सघन कक्षमा भेन्टिलेटर सहितको उपचार प्रक्रिया अगाडि बढाईए पनि निको पार्न सकिएन परिवार स्रोतले बतायो ।
उनकी श्रीमती भने कोरोना संक्रमणमुक्त भएर घर फर्किसकेकी छन् । ६४ वर्षीय डा.थापाका १ छोरा र १ छोरी छन् ।
