काठमाडौं । नेपाल रेडक्रस सोसाइटी काठमाडौं जिल्ला शाखा विघटन भएको छ ।
मंगलवार बसेको रेडक्रस केन्द्रीय कार्यसमितिको ३०८ औं बैठकले वैधानिक दायित्व पालना नगरेका जिल्ला शाखाहरुलाई सोसाइटीको विधानको दफा १७ (क) ले व्यवस्था गरेको केन्द्रीय अधिकार प्रयोग गरि दफा ५३ को (४) घ बमोजिम जिल्ला शाखा विघटन गरिएको रेडक्रसले जनाएको छ ।
बैठकले दफा ३५ (१) बमोजिम श्री लवराज श्रेष्ठको सभापतित्वमा १५ सदस्यीय तदर्थ कार्यसमिति समेत गठन गरेको छ ।
त्यस्तै, १५ सदस्यीय कार्यसमितिको मन्त्रीमा कोटेश्वर - मिनभवन उपशाखाका उपाध्यक्ष मोहन कुमार पराजुली चयन भएका छन् ।
