काठमाडौं । नेपालमा पछिल्लो २४ घण्टामा ६७३४ जना कोरोनाभाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार १७ हजार ४६५ नमुना (१४ हजार १४ पीसीआर र ३४५१ एन्टिजेन) परीक्षण गर्दा ती संक्रमित थपिएका हुन् ।
पछिल्लो २४ घण्टामा ५४७ जना निको भएका छन् । आज कोभिडका कारण थप ३ जनाले ज्यान गुमाएका छन् ।
आज थपिएसँगै सक्रिय संक्रमित संख्या ३० हजार ८७७ पुगेको छ ।
काठमाडौं उपत्यका मात्र ३९३९ जना संक्रमित थपिएका छन् । काठमाडौं जिल्लामा मात्र २९४३, ललितपुरमा ७९५ र भक्तपुरमा २०१ जना संक्रमित थपिएका छन् ।
