काठमाडौं । स्तुपा सामुदायिक अस्पतालले क्षमता बृद्धि गर्दै चावहिल चुच्चेपाटीबाट सेवा सुचारु गरेको छ ।
बौद्ध पिपलबोटबाट स्वास्थ्य सेवा जारी राखेको स्तुपाले चुच्चेपाटीमा आकर्षक भवन तयार गरेसँगै आइतवारदेखि नयाँ स्थान र भवनमा सेवा सुचारु गरेको हो ।
१०० बेडको क्षमता सहित स्तुपाले आफुलाई स्तरोन्नति गरेको संस्थाका अध्यक्ष डा गणेश योन्जन र महासचिव हरिकृष्ण श्रेष्ठले संयुक्त रुपमा उद्घाटन गर्दै बताएका छन् ।
यस अघि बौद्ध धार्मिक परम्परा अनुसार खेन रिमवोर्चे सन्त लामा लगायतले शुद्धीकरण पुजा गरेका थिए ।
