काठमाडौं । पूर्वप्रधानमन्त्री झलनाथ खनाललाई अक्सिजन दिएर उपचार अगाडि बढाइएको छ ।
उनमा ज्वरो आइरहने र कमजोरीको महशुस भएपछि आज थापाथलीस्थित नर्भिक अस्पतालमा भर्ना गरिएको छ ।
अस्पतालका कार्यकारी निर्देशक राजेन्द्रबहादुर सिंहका अनुसार ज्वरो कम नभएसँगै स्वास्थ्यमा थकान महसुस हुने र श्वास फेर्न गाह्रो हुनेजस्ता समस्या देखिएपछि खनाललाई अस्पताल भर्ना गरिएको हो ।
नेता खनालको रगत जाँच गर्दा हेमोग्लोबिनको कमी देखिएको छ । उनमा ९ दिन अघि देखि ज्वरो आएको बताइएको छ ।
उपचारमा संलग्न चिकित्सकका अनुसार उनको लक्षण हेर्दा पोस्ट कोभिडपछिको समस्या हुनसक्ने अनुमान गरिएको छ ।
