जनकपुरधाम । धनुषा जिल्लाको मिथिला नगरपालिकाको मेयरमा नेपाली कांग्रेस र उपमेयरमा नेकपा एमालेका उम्मेदवार निर्वाचित भएका छन् ।
मेयरमा काँग्रेसका उम्मेदवार महेन्द्र महतोले ७ हजार ३१ मत सहित निर्वाचित भएका छन् भने उनका निकटतम प्रतिस्पर्धी नेकपा एमालेका राजाराम महतोले ६ हजार ९ सय ४० मत प्राप्त गरेका थिए ।
उपमेयरमा नेकपा एमालेका सुनिता सिंह बुढाथोकी निर्वाचित भएकी छन् । उनले ७ हजार ४ सय १४ मत प्राप्त गरेकी छन् ।
काँग्रेसका निर्मला कोइरालाले ६ हजार ७ सय ३५ मत पाएकी थिइन् ।
